Hindistonda sun’iy intellekt til to‘siqlarini yengmoqda
Hindistonda 22 ta rasmiy til va yuzlab lahjalar mavjud bo‘lib, bu holat raqamli xizmatlar, ta’lim, tibbiyot va davlat boshqaruvida til to‘siqlarini bartaraf etishni dolzarb vazifaga aylantirmoqda. Bu haqida Zamin.uz xabar berdi.
Mumbai shahrida oziq-ovqat yetkazib beruvchi Vinet Savant ingliz tilini bilmagani sabab ishining dastlabki oylarida buyurtma ko‘rsatmalarini tushunishda qiyinchiliklarga duch kelgan. O‘tgan yili Zepto kompaniyasi haydovchilar uchun ilovaga sun’iy intellekt asosida tarjima funksiyasini qo‘shgan va oltita til variantini taklif qilgan.
Professori Pushpak Bxattacharyya mahalliy tillarda sifatli raqamli ma’lumotlarning yetishmasligi sun’iy intellekt modellarini yaratishda asosiy muammo ekanligini ta’kidlaydi. Shu sababli, hukumat 2022-yilda Bhashini loyihasini ishga tushirib, 22 tilda sun’iy intellekt modellarini ishlab chiqishni boshlagan.
Hozirda platformada 350 ga yaqin til modeli mavjud. Sun’iy intellekt texnologiyalari sog‘liqni saqlash sohasida ham keng qo‘llanilmoqda.
Mumbai olimlari tamaki iste’molini kamaytirish maqsadida ko‘p tilli va shaxsiylashtirilgan maslahat beradigan sun’iy intellekt dasturini yaratmoqda. Mutaxassislar sun’iy intellektning til imkoniyatlarini kengaytirish nafaqat texnologik rivojlanish, balki ijtimoiy birlashish uchun ham muhimligini ta’kidlaydilar.
Vinet Savant esa ilova o‘z ona tilida gapirganda odamlar o‘zlarini ishonchliroq his qilishini va ish samaradorligi oshishini bildiradi. Bu esa til to‘siqlarini bartaraf etish orqali raqamli xizmatlarning yanada qulay va samarali bo‘lishiga xizmat qiladi.
