Buyuk Britaniyada aeroportlarda kiberhujum sodir bo‘ldi
Buyuk Britaniyada 40 yosh atrofidagi erkak aeroportlarga qilingan kiberhujumda gumon qilinib qo‘lga olindi. Bu haqda Zamin.uz xabar berdi.
U noqonuniy kompyuter dasturlaridan foydalanganlikda ayblanmoqda. Hozirda shaxs kafolat evaziga ozod etilgan.
Kiberhujum natijasida Yevropaning bir qancha aeroportlarida, jumladan Londondagi Xitro aeroportida yuzlab parvozlar kechikdi. Yo‘lovchilarni ro‘yxatdan o‘tkazish tizimi ishdan chiqqani sababli xodimlar qo‘lda qog‘oz va ruchkalar yordamida ish olib bordi.
Rasmiylar tekshiruv ishlari davom etayotganini ma’lum qildi. Kompaniya tizimlarni qayta tiklash uchun harakat qilmoqda, ammo parvozlarda uzilishlar hali ham davom etmoqda.
Mutaxassislar bunday kiberhujumlarda ko‘pincha tizimni ishdan chiqarib, pul talab qilinishini ta’kidlamoqda. Aviatsiya sohasida kiberxavfsizlik muammolari ortib borayotgani haqida ogohlantirishlar berilmoqda.
Bu holat soha uchun jiddiy xavf hisoblanadi va xavfsizlik choralarini kuchaytirishni talab qiladi.
