X ijtimoiy tarmog‘i yangi premium obunani taqdim etdi

Seshanba kuni X ijtimoiy tarmog‘i Verified Organizations nomli yangi premium obuna xizmatini taklif qildi. Bu haqda Zamin.uz xabar berdi.

Bu xizmat biznes va davlat tashkilotlari uchun mo‘ljallangan bo‘lib, endi ikki turga ajratiladi: Premium Business va Premium Organizations. Premium Organizations davlat va xalqaro tashkilotlarga mo‘ljallangan bo‘lib, sivoy rangli belgi bilan ajralib turadi.

Premium Business esa kichik va yirik bizneslar uchun ishlab chiqilgan bo‘lib, unga tilla rangli belgi beriladi. Premium Business xizmatining uch turi mavjud: Basic, Full Access va Enterprise.

Ushbu xizmat orqali bizneslar ishonchlilik darajasini oshirish, yangi mijozlarga erishish va affiliate belgilar yordamida ko‘rinishni kuchaytirish imkoniga ega bo‘ladi. Bundan tashqari, soxtakorlikdan himoya, tezkor mijozlar xizmati va boshqa qulayliklar taqdim etiladi.

Premium Business obunasi kadrlarni tanlash, brendni kuzatish va SuperGrok xizmatidan foydalanish kabi qo‘shimcha funksiyalarni ham o‘z ichiga oladi. Yaqin kelajakda faol bo‘lmagan “priority handles” yoki ilg‘or foydalanuvchi nomlari bepul taqdim etilishi rejalashtirilgan, qimmatli nikneymlar esa sotib olinishi mumkin bo‘ladi.

Basic obuna oyiga taxminan 2 480 000 so‘m (200 dollar), Full Access esa 12 400 000 so‘m (1000 dollar) turadi. Enterprise toifasi esa alohida shartlar asosida narxlanadi.

Premium Organizations uchun ham oylik to‘lov 1000 dollar miqdorida belgilanmoqda. Shuningdek, cheklangan muddat davomida obunachilar to‘lagan mablag‘larini reklama krediti sifatida 100 foiz qaytarib olish imkoniga ega bo‘ladilar.

Bu xizmatlar biznes va davlat tashkilotlarining raqamli maydondagi faoliyatini yanada samarali qilishga qaratilgan.