Meta kompaniyasi WhatsApp ilovasining iOS tizimi uchun yangi versiyasi 25.28.75 (iOS 26) yangilanishini taqdim etdi. Bu haqda Zamin.uz xabar berdi.
Ushbu yangilanishning asosiy o‘zgarishi ilova dizaynida Liquid Glass uslubining joriy etilishi hisoblanadi. Bu haqda Rozetked.me sayti ma’lumot berdi.
Endi messenjer interfeysi Apple operatsion tizimidagi “shisha” ko‘rinishini oladi. Ilova elementlari yorug‘likni o‘tkazuvchi xususiyatga ega bo‘lib, soyalar va ranglar yanada jonli va tabiiy ko‘rinadi.
Meta kompaniyasi bu yangilanish bo‘yicha rasmiy bayonot bermagan, ammo u allaqachon ayrim foydalanuvchilar tomonidan sinovdan o‘tkazilmoqda. Bu esa yangilanishning hozircha test rejimida yoki bosqichma-bosqich tarqatilayotganidan darak beradi.
Shu bilan birga, Liquid Glass uslubidagi dizayn avval Google Chrome ilovasining iOS 141 versiyasida ham qo‘llanilgan. Bundan tashqari, shunday dizayn Telegram messenjeri uchun ham tayyorlanmoqda.
Yangilanish foydalanuvchilarga yanada zamonaviy va qulay interfeys taqdim etishni maqsad qilgan.
