Xitoyda eng yirik suzuvchi shamol turbinasini yaratdi
Xitoy qayta tiklanadigan energiya sohasida muhim yutuqqa erishdi. Bu haqda Zamin.uz xabar berdi.
Mamlakatda dunyodagi eng yirik suzuvchi shamol turbinasini yaratdi va uni sinovdan o‘tkazishga tayyor qildi. Ushbu turbina Guanssi-Juang avtonom viloyatining Beyxay shahrida joylashgan.
Turbinaning quvvati 16 megavattni tashkil etadi va uning qanot maydoni yetti futbol maydoniga teng. Suzuvchi turbina 50 metr chuqurlikdagi suvda sinovdan o‘tkazilib, keyinchalik elektr tarmog‘iga ulanadi.
Yillik ishlab chiqarish quvvati 44,7 million kilovatt soat energiyani tashkil qiladi. Bu miqdor taxminan to‘rt mingta xonadonni elektr energiyasi bilan ta’minlashga yetarlidir.
Turbina qismlarining barchasi, jumladan reduktor va ballast tizimi, Xitoyda ishlab chiqarilgan bo‘lib, mamlakatning texnologik mustaqillikka intilishini ko‘rsatadi. Ushbu loyiha qayta tiklanadigan energiya sohasida Xitoyning yetakchi o‘rinlardan birini egallashiga xizmat qiladi va ekologik toza energiya ishlab chiqarishni rivojlantirishga katta hissa qo‘shadi.
