Xiaomi yangi ingichka robot-changyutgichni taqdim etdi
Xiaomi kompaniyasi yangi avlod robot-changyutgichi — Mijia Sweeping and Mopping Robot 5 modelini taqdim etdi va uning uchun oldindan buyurtmalarni qabul qilishni boshladi. Bu haqda Zamin.uz xabar berdi.
Ushbu qurilma zamonaviy texnologiyalar asosida ishlab chiqilgan bo‘lib, ultratonka korpusga ega. Uning qalinligi atigi 7,9 millimetrni tashkil etadi.
Robot sun’iy intellekt yordamida atrofdagi to‘siqlarni aniqlash imkoniyatiga ega bo‘lib, 40 millimetr balandlikdagi to‘siqlardan bemalol oshib o‘tadi. Shu bilan birga, u 130 turdagi keng tarqalgan to‘siqlarni, masalan, noski yoki tapochkilarni aniqlay oladi.
Mijia Sweeping and Mopping Robot 5 kuchli 23000 Pascal bosimli so‘rish tizimiga ega. Uning ikki pichoqli maxsus cho‘tka tizimi sochlar va iplarning changyutgich ichida to‘planib qolishini oldini oladi.
Bundan tashqari, robot polni nam tozalash funksiyasi bilan jihozlangan bo‘lib, u insonning qo‘l bilan yuvish harakatini taqlid qiladi. Ushbu xususiyatlar qurilmaning samaradorligini oshiradi va uy tozaligini yanada mukammal qiladi.
Robot Mijia ilovasi orqali boshqariladi. Ilova yordamida foydalanuvchi tozalash jadvalini belgilashi, taqiqlangan zonalarni sozlashi mumkin.
Shuningdek, qurilma boshqa Xiaomi “aqlli uy” tizimlari bilan integratsiyalashib, uyda avtomatlashtirilgan boshqaruv imkonini beradi. Yangi modelning boshlang‘ich narxi Xitoy bozorida 3199 yuanni tashkil etadi, bu taxminan 36,4 million so‘mga teng.
Ushbu robot-changyutgich zamonaviy uy tozalash vositalari orasida o‘zining yuqori samaradorligi va qulayligi bilan ajralib turadi.
