Microsoft Windows 10 uchun yangilanishlarni to‘xtatdi

Microsoft korporatsiyasi 14 oktyabrdan boshlab Windows 10 operatsion tizimini qo‘llab-quvvatlashni to‘xtatdi. Bu haqda Zamin.uz xabar berdi.

Endilikda foydalanuvchilarga o‘z qurilmalarini Windows 11 tizimiga yangilash tavsiya qilinmoqda. Ushbu qaror bilan tizim va o‘rnatilgan dasturlar uchun xavfsizlik yangilanishlari hamda texnik yordam ko‘rsatish rasmi ravishda tugatilgan.

Windows 10 tizimi ishlashda davom etadi, ammo yangilanishlar ta’minlanmagani sababli viruslar va zararli dasturlarga qarshi himoyasi zaiflashadi. Shuningdek, yozda Microsoft 2026 yilgacha Windows 10 uchun Microsoft 365 ilovalariga yangilanishlar berilishini to‘xtatishi haqida xabar bergan edi.

Ushbu ilovalar qatoriga Outlook, Teams, Office, OneDrive va SharePoint kiradi. Yangilanishlar tugagach, dasturlar ishlashda davom etadi, lekin ularning barqarorligi va xavfsizligi kafolatlanmaydi.

Shu sababli, foydalanuvchilarga operatsion tizimni yangi versiyasiga o‘tkazish tavsiya etiladi. Bu o‘z navbatida qurilmalarning xavfsizligi va samaradorligini ta’minlashga yordam beradi.

Windows 10 tizimidan foydalanishda ehtiyotkorlikni oshirish va kerakli choralarni ko‘rish muhimdir.