Apple Vision Pro 2 yangi M5 chip bilan taqdim etildi
Apple kompaniyasi ikkinchi avlod Vision Pro modelini taqdim etdi. Bu haqda Zamin.uz xabar berdi.
Ushbu yangi qurilmada Apple M5 chipi o‘rnatilgan bo‘lib, bu garnituraning ishlash samaradorligini sezilarli darajada oshiradi. Yangi chip asosida micro-OLED ekranlardagi piksel soni 10 foizga ko‘paytirilgan va yangilanish chastotasi 120 Gts gacha yetkazilgan.
Bundan tashqari, M5 chipiga R1 chipi yordam beradi. U 12 ta kamera, 5 ta datchik va 6 ta mikrofon ma’lumotlarini 12 millisekund ichida qayta ishlab, ekranlarga uzatadi.
Vision Pro 2 modellining avtonom ishlash muddati ham yaxshilangan. Oddiy foydalanishda qurilma 2,5 soat, video ko‘rishda esa 3 soat davomida faoliyat ko‘rsatadi.
Qurilmaga yangi Dual Knit Band nomli remesh o‘rnatilgan bo‘lib, u boshning orqa va yuqori qismini mustahkam ushlab turadi. Ushbu remesh avvalgi modelga ham mos keladi.
Vision Pro 2 narxi o‘zgarmagan holda 3499 dollarni tashkil etadi, bu taxminan 275 million so‘mga teng. Qurilmaning sotuvlari 22-oktabrdan boshlanadi.
