Apple Siri muammolari tufayli qurilmalar chiqarishini kechiktirdi

Apple kompaniyasi yangi HomePod mini va Apple TV qurilmalarini taqdim etishni noma’lum muddatga kechiktirdi. Bu haqda Zamin.uz xabar berdi.

Avval ushbu gadjetlarning o‘tgan yil oxirida namoyish qilinishi kutilgan edi, ammo rejalarda o‘zgarishlar yuz berdi. Mutaxassislarning fikriga ko‘ra, kechikishning asosiy sababi ovozli yordamchi Siri’ning yangi versiyasidagi texnik muammolardir.

Kompaniya Siri’ni yanada aqlli va foydalanuvchilar uchun qulayroq qilish ustida ish olib bormoqda. Sun’iy ong imkoniyatlarini kengaytirish maqsadida Google’ning Gemini texnologiyasidan foydalanish rejalashtirilgan.

Bloomberg tahlilchisi Mark Gurman ta’kidicha, bu yangilanishlar iOS 26.5 yoki iOS 27 operatsion tizimlari bilan sentyabr oyida taqdim etilishi mumkin. Shuning uchun yangi avlod HomePod va Apple TV qurilmalarini kuzgacha kutish zarurati tug‘ildi.

Eslatib o‘tish kerakki, Apple TV oxirgi marta 2022-yilda, HomePod mini esa 2020-yilda yangilangan edi. Foydalanuvchilar nafaqat ushbu qurilmalarni, balki kompaniyaning yangi aqlli uy markazini ham intiqlik bilan kutmoqdalar.

Hozircha Apple rasmiy vakillari yangi mahsulotlar taqdimoti uchun aniq sanalarni e’lon qilgani yo‘q.