JBL o‘zining eng arzon va ixcham simsiz kolonkasini yangiladi
Mashhur audio texnika ishlab chiqaruvchisi JBL o‘zining eng arzon va ixcham simsiz kolonkalari turkumini yangiladi. Bu haqda Zamin.uz xabar berdi.
Yangi Go 5 modeli avvalgi avlodlarning kichik o‘lchamlarini saqlab qolgan holda, texnik imkoniyatlari jihatidan sezilarli darajada yaxshilandi. Qurilmaning o‘lchamlari 101x77,4x43 millimetr bo‘lib, vazni atigi 230 grammni tashkil etadi.
Shuningdek, u IP68 himoya standarti bo‘yicha suv va changdan ishonchli himoyalangan. Bu haqda rozetked.me sayti xabar berdi.
Kompaniya ayni safar ovoz sifatiga alohida e’tibor qaratdi. Harman mutaxassislari tomonidan sozlangan dinamik endi kompyuterga sim orqali ulanish uchun raqamli-analog o‘zgartirgich bilan jihozlandi.
Simsiz ulanishda esa zamonaviy Bluetooth 6 texnologiyasi qo‘llanilgan. Bundan tashqari, qurilma SBC, AAC va LC3 kodeklarini qo‘llab-quvvatlaydi.
Shuningdek, bir nechta kolonka o‘rtasida ulanishni ta’minlovchi Auracast funksiyasi ham mavjud. Yangi model oltita turli rangda taqdim etiladi.
Qurilmada 1000 milliamper/soat sig‘imli batareya o‘rnatilgan bo‘lib, u 8 soatgacha uzluksiz ishlash imkonini beradi. Hozirda Xitoy bozorida oldindan buyurtma berish boshlangan va uning narxi 399 yuan atrofida belgilangan.
