Xitoylik olimlar yonmaydigan natriy ionli akkumulyatorlarni yaratishdi

Xitoylik olimlar energiya saqlash tizimlari sohasida muhim yutuqqa erishdilar. Bu haqda Zamin.uz xabar berdi.

Ular natriy ionli akkumulyatorlarni ishlab chiqish davomida qurilmaning qizib ketishi va yonib ketish xavfini butunlay bartaraf etishga muvaffaq bo‘ldilar. Ushbu tadqiqot Xitoy Fanlar Akademiyasi Fizika institutining professor Xu Yunshe boshchiligidagi mutaxassislar guruhi tomonidan amalga oshirildi.

Ilmiy guruh o‘z-o‘zini himoya qilish xususiyatiga ega bo‘lgan yangi turdagi polimerli yonmaydigan elektrolit moddasini yaratdi. Ushbu modda akkumulyatorning ichki qismini haddan tashqari isishdan va kutilmagan portlashlardan himoya qiladi.

Tadqiqotchilarning taakkidiga ko‘ra, dunyo miqyosida natriy ionli batareyalarda bunday xavfsizlik darajasiga erishilgani birinchi marta qayd etilmoqda. Ushbu yangilik zamonaviy texnologiyalar uchun katta ahamiyatga ega.

Chunki an’anaviy litiy ionli akkumulyatorlarning asosiy kamchiliklaridan biri ularning qizib ketganda yonish xavfi borligidir. Yangi ishlab chiqilgan polimerli elektrolit esa hatto yuqori haroratda ham barqaror ishlaydi va xavfsizlikni ta’minlaydi.

Shuningdek, natriy ionli batareyalar litiyga qaraganda ancha arzonroq va tabiatda keng tarqalgan xomashyolardan tayyorlanadi. Bu esa kelajakda elektr transport vositalari va yirik energiya saqlash qurilmalarining narxini pasaytirish imkonini beradi.

Olimlarning ushbu kashfiyoti energiyani samarali va xavfsiz saqlash texnologiyalarini yangi bosqichga olib chiqishi kutilmoqda.