AQSHda ruxsatsiz harbiy-havo kuchlari bazasiga kirishga uringan haydovchi otib o‘ldirildi. Bu haqida Zamin.uz xabar berdi.
Bu haqda CBS axborot manbasi AQSH harbiy-havo kuchlari bayonotiga tayangan holda xabar berdi. Hodisa Arizona shtatidagi Devis-Montan harbiy-havo kuchlari bazasida sodir bo‘ldi.
Ruxsatsiz kirishga uringan fuqaro xavfsizlik xodimlari tomonidan to‘xtatilgan. Rasmiy ma’lumotlarga ko‘ra, ushbu shaxs juma kuni asosiy darvoza oldida mashinasini to‘xtatgan va o‘zini aniqlay olmagan.
Haydovchining harakatlari shubhali bo‘lgan. U mashinani noto‘g‘ri boshqargan, yo‘l to‘sig‘iga urilgan va orqaga qaytgan.
Bu holat xavfsizlik xodimlarining shubhasini kuchaytirgan va ular protokolga muvofiq unga ogohlantirish bergan. Ammo fuqaro xavfsizlik xodimlarining buyruqlariga bo‘ysunmagan.
Natijada xavfsizlik xodimi tomonidan ogohlantirish o‘qidan foydalanilgan va voqea joyida ushbu shaxs halok bo‘lgan. Harbiy baza vakillari bu fojiali hodisadan afsusda ekanini bildirdi.
Shu bilan birga, barcha chora-tadbirlar xavfsizlik qoidalariga muvofiq amalga oshirilgani ta’kidlandi. Hodisa yuzasidan tergov ishlari davom etmoqda.
Bu kabi holatlar harbiy obyektlarning xavfsizligini ta’minlash bo‘yicha qat’iy choralarning zarurligini yana bir bor ko‘rsatdi.
