Rossiyada kechasi dron hujumlari sodir bo‘ldi
Rossiyaning bir nechta hududlarida kechasi dron hujumlari sodir bo‘ldi. Bu haqida Zamin.uz xabar berdi.
Samar viloyatidagi Sizran shahrida joylashgan neftni qayta ishlash zavodida yirik yong‘in yuzaga keldi. Bu haqda bir qator Telegram-kanallar videolar orqali xabar berdi.
Guvohlar zavod ustida qora tutun ko‘tarilganini va yonayotgan minoralarni tasvirga olgan. Viloyat gubernatori Vyacheslav Fedorishevning ma’lum qilishicha, hududga kirishga uringan 13 ta dron aniqlanib, yo‘q qilingan.
Biroq u Sizrandagi zavoddagi yong‘in haqida aniq ma’lumot bermadi. Ayrim manbalarga ko‘ra, yong‘in bir necha soat davom etdi va o‘t o‘chiruvchilar hodisani bartaraf etish uchun doimiy harakatda bo‘ldi.
Shuningdek, Kursk viloyatida ham dron zarbalari oqibatida halokat ro‘y berdi. Rasmiy ma’lumotlarga ko‘ra, dron turar joy binosiga urilib, portlash sodir bo‘ldi.
Jeleznodorojniy tumanida yuz bergan hodisada bir ayol halok bo‘ldi, yana o‘n kishi turli tan jarohatlari oldi. Jabrlanganlar orasida bolalar ham borligi aytilmoqda.
Hozirda hodisa joylarida qutqaruvchilar va huquqni muhofaza qilish organlari xodimlari faoliyat olib bormoqda. Rossiya Mudofaa vazirligi bu hujumlarni Ukraina bilan bog‘lamoqda, ammo Ukraina tomoni rasmiy izoh bermagan.
Mahalliy aholi xavfsizlik choralarini kuchaytirishni talab qilmoqda.
