Plastik ifloslanishga qarshi muzokaralar natijasiz yakunlandi
Birlashgan Millatlar Tashkiloti tashabbusi bilan o‘tkazilgan plastik ifloslanishga qarshi global muzokaralar yana natijasiz yakunlandi. Bu haqida Zamin.uz xabar berdi.
Uch yil davomida bo‘lib o‘tgan uchrashuvlarda davlatlar muhim qarorlarga erisha olmadi. Jenevada o‘tgan so‘nggi majlis ham kutilgan samara bermadi.
Davlatlar ikki asosiy guruhga bo‘lingan. Yevropa Ittifoqi va taxminan yuzga yaqin mamlakat plastik ishlab chiqarishni kamaytirishni qo‘llab-quvvatlamoqda.
Boshqa tomondan, neft qazib oluvchi davlatlar masalani faqat plastik chiqindilarini yig‘ish va qayta ishlash orqali hal qilish kerak, deb hisoblamoqda. Olimlarning fikricha, faqat qayta ishlash yetarli emas, chunki hozirgi kunda dunyoda plastikning atigi o‘n foizi qayta ishlanmoqda.
Shu bilan birga, plastik ishlab chiqarish hajmi tobora ortib bormoqda. Masalan, 1950-yilda 2 million tonna bo‘lgan ishlab chiqarish hajmi 2022-yilda 475 million tonnaga yetgan.
Yirik kompaniyalar ham bu bahsga qo‘shilmoqda. Nestle va Unilever kabi ishlab chiqaruvchilar plastikni kamaytirish tarafdori bo‘lib, yagona standartlar joriy etish va maxsus to‘lovlarni kiritishni taklif qilmoqda.
Ushbu mablag‘lar qayta ishlash loyihalariga yo‘naltirilishi mumkin. Atrof-muhit faollari neft qazib oluvchi davlatlarni foydani tabiatdan ustun qo‘yishda ayblamoqda.
Greenpeace vakili bu jarayonni sayyoramiz uchun ogohlantiruvchi signal deb atadi. Muzokaralarning keyingi bosqichlari yaqin kelajakda davom ettirilishi rejalashtirilmoqda.
Plastik ifloslanishga qarshi kurashda xalqaro hamkorlik va qat’iy choralar zarur hisoblanadi.
