Vila Nova mahallasi bog‘ bilan ko‘chirishdan saqlindi

Braziliyaning San-Paulu shahridagi Vila Nova mahallasi aholisi uzoq yillar davomida ko‘chirish xavfi ostida yashadi. Bu haqida Zamin.uz xabar berdi.

2006-yilda hukumat ushbu hududni ekologik muhofaza zonasi deb e’lon qilib, yuzlab oilalarni ko‘chirishni rejalashtirgan edi. Biroq mahalliy aholi bu qarorga qarshi chiqdi.

Lia Esperanka ismli ayolning tashabbusi bilan jamoa chiqindilarni tozalab, katta bog‘ yaratishga kirishdi. Ushbu bog‘ nafaqat sabzavot va mevalar yetishtirish uchun joy, balki jamoani birlashtiruvchi maskan bo‘ldi.

Hozirda mahalla aholisi o‘z oziq-ovqatini shu yerda yetishtiradi va qo‘shimcha daromad oladi. Bundan tashqari, ayollar uchun kasb-hunar kurslari, oshxona va kichik kutubxona tashkil etildi.

Vila Nova Esperança loyihasi bog‘ tufayli butun Braziliyada tanilib, turli mukofotlarga sazovor bo‘ldi. Shu sababli hukumat ham hududga suv, elektr va yo‘l kabi zarur xizmatlarni yetkazib berdi.

Shunga qaramay, ayrim oilalar uchun ko‘chirish xavfi hali ham mavjud. Lekin mahalla aholisi bog‘ orqali o‘z uylarini saqlab qolishga intilmoqda.

Lia Esperanka “Buni men yolg‘iz emas, butun jamoa kuchi bilan amalga oshirdik”, deydi. Ushbu misol mahalla ahlining fidoyiligi va birdamligi muhimligini ko‘rsatadi.