Xitoy dengiz flotini tez rivojlantirmoqda

So‘nggi yillarda Xitoy kemasozlik sanoatini jadal rivojlantirib, dunyodagi eng yirik harbiy flotlardan biriga aylanishga erishdi. Bu haqida Zamin.uz xabar berdi.

Hozirgi kunda Xitoyda 234 ta jangovar kema mavjud bo‘lib, bu raqam AQSh dengiz flotidan ham katta hisoblanadi. Mutaxassislarning fikricha, Xitoyning kemasozlik imkoniyatlari AQShnikidan ancha yuqori.

Shuning uchun Xitoy qisqa vaqt ichida ko‘plab yangi kemalarni qurib, dengizdagi kuchini sezilarli darajada oshirmoqda. Biroq, texnik jihatdan AQSh hali ham ustunlikka ega.

Amerika flotida ko‘plab yirik aviatsiya tashuvchi kemalar va zamonaviy suv osti kemalari mavjud. Xitoyda esa hozircha faqat ikki dona samolyot tashuvchi kema bor.

Shu bilan birga, Xitoy o‘z qudratini tez kengaytirmoqda. Janubiy Xitoy dengizida yangi harbiy bazalar barpo etilmoqda, suv osti dronlari va raketa tizimlari sinovdan o‘tkazilmoqda.

Bu holat mintaqadagi kuchlar muvozanatiga ta’sir ko‘rsatishi mumkin. Pekin rahbariyati flotni kuchaytirishni milliy xavfsizlik nuqtai nazaridan asoslaydi.

Prezident Si Szinpin Xitoy endilikda xorijiy tajovuzlarga qarshi zaif emasligini ta’kidlamoqda. Bu esa mamlakatning dengizdagi strategik pozitsiyasini mustahkamlashga qaratilgan siyosatning muhim qismi hisoblanadi.