AQShda hukumat faoliyati vaqtincha to‘xtashi mumkin
Amerika Qo‘shma Shtatlarida federal hukumatning vaqtincha to‘xtab qolishi ehtimoli mavjudligi haqida ogohlantirish berildi. Bu haqda Zamin.uz xabar berdi.
Prezident Donald Tramp matbuot anjumanida aytishicha, agar Kongressdagi respublikachilar va demokratlar federal byudjetni moliyalashtirish bo‘yicha kelishuvga erisha olmasa, 1-oktyabrdan boshlab hukumat faoliyati vaqtincha to‘xtatilishi mumkin. Trampning so‘zlariga ko‘ra, muzokaralar davom etmoqda, ammo mamlakat hukumatining bir muddat yopilishi ehtimoli ham mavjud.
Bu davrda harbiylar va ijtimoiy xavfsizlik masalalariga alohida e’tibor qaratiladi. Agar hukumat yopilsa, demokratlar ilgari surgan tashabbuslarning moliyalashtirilishi imkonsiz bo‘ladi.
Shu bilan birga, federal dasturlar va ijtimoiy yo‘nalishlardagi qo‘llab-quvvatlashlar ham vaqtincha to‘xtab qolishi mumkin. Prezident, shuningdek, Senatdagi jarayonlarga ham e’tibor qaratdi.
Vaksillar palatasi tomonidan ma’qullangan qonun loyihasi Senatda ham tasdiqlanishi zarur. Hozirda respublikachilar Senatda 53 ovozga ega, ammo hujjat qabul qilinishi uchun kamida 60 ovoz kerak.
Shu sababli demokrat senatorlarning qo‘llab-quvvatlashi muhim hisoblanadi, lekin ularning roziligi pastligi ta’kidlandi. Mutaxassislarning fikricha, hukumatning vaqtincha yopilishi moliyaviy barqarorlikka va davlat xizmatlarining faoliyatiga salbiy ta’sir ko‘rsatishi mumkin.
Ayniqsa, federal idoralardagi ish jarayonlari, ijtimoiy dasturlar hamda xavfsizlik sohasidagi xarajatlar qisqarishi ehtimoli mavjud. Bu holat mamlakat iqtisodiyoti va jamiyatning turli sohalariga salbiy ta’sir ko‘rsatishi mumkin.
