Eron Isroil yadroviy ma’lumotlarini qo‘lga kiritdi

Eron razvedka idorasi Isroilning yadroviy va harbiy markazlari haqidagi maxfiy ma’lumotlarni qo‘lga kiritgani haqida rasmiy ma’lumot berildi. Bu haqda Zamin.uz xabar berdi.

Ushbu ma’lumotlarga ko‘ra, Eron tomonidan Isroilda faoliyat yuritgan olimlar va xizmatchilar ro‘yxati hamda millionlab sahifalardan iborat turli qimmatli hujjatlar olingan. Bu haqida Islom Respublikasi razvedka vaziri Ismoil Xatib Tasnim axborot agentligiga bergan intervyusida ma’lum qilgan.

Vazirning so‘zlariga ko‘ra, mamlakatga yetkazilgan “ma’lumotlar xazinasi”da Isroilning ilgari va hozirgi qurol dasturlari, eski yadroviy qurollarni modernizatsiya qilish va qayta ishlash rejalariga oid batafsil ma’lumotlar mavjud. Shuningdek, AQSh va bir nechta Yevropa davlatlari bilan hamkorlikdagi loyihalar haqida ham hujjatlar bor.

Bundan tashqari, ma’muriy tuzilmalar va yadroviy qurol yaratishda ishtirok etgan shaxslarning to‘liq ro‘yxati ham ushbu hujjatlar orasida joy olgan. Ushbu ma’lumotlar Eron razvedkasining Isroilning yadroviy salohiyati va harbiy imkoniyatlarini chuqur o‘rganish borasidagi katta yutug‘i sifatida baholanmoqda.

Bu voqea mintaqaviy xavfsizlik va xalqaro munosabatlarga ta’sir ko‘rsatishi mumkinligi ta’kidlanmoqda.