Xitoyda ijtimoiy tarmoqlarda salbiy postlar taqiqlandi
Xitoyda ijtimoiy tarmoqlarda atayin salbiy kayfiyat uyg‘otuvchi postlar va fikrlar taqiqlanishi haqida rasmiy ma’lumot berildi. Bu haqda Zamin.uz xabar berdi.
Reuters agentligining xabariga ko‘ra, Kiberxavfsizlik boshqarmasi tomonidan ikki oylik maxsus kampaniya boshlandi. Ushbu kampaniya doirasida ijtimoiy tarmoqlar, qisqa videoplatformalar, striming xizmatlari hamda izohlar bo‘limi kuchaytirilgan nazorat ostida bo‘ladi.
Ma’lumotlarga ko‘ra, reja faqat yolg‘on xabarlar yoki zo‘ravonlikka chaqiruvchi materiallarga qarshi emas, balki ortiqcha pessimizm, umidsizlikka chorlovchi postlar, o‘zini kamsituvchi bayonotlar va sun’iy intellekt yordamida yaratilgan zo‘ravonlik sahnalari ham taqiqlanadi. Bunday kontentni tarqatgan platformalar yoki shaxslar javobgarlikka tortilishi mumkin.
Shuningdek, bu ilk bor amalga oshirilayotgan tashabbus emas, chunki Pekin 2021 yildan buyon shunga o‘xshash kamida besh marta kampaniya boshlagan. Ushbu choralar ijtimoiy tarmoqlardagi salbiy ta’sirlarni kamaytirishga qaratilgan.
