Odessada kuchli yomg‘ir sababli yuzaga kelgan suv toshqini natijasida 10 kishi halok bo‘ldi. Bu haqda Zamin.uz xabar berdi.
Ushbu tabiiy ofat ko‘plab odamlarning hayotiga jiddiy xavf tug‘dirdi. Taxminan 1000 dan ortiq kishi yordam olish uchun murojaat qilgan.
Bu haqda Ukraina bosh vaziri o‘rinbosari va jamiyatlar hamda hududlarni rivojlantirish vaziri Oleksiy Kuleba ma’lum qildi. Uning so‘zlariga ko‘ra, yomg‘ir va suv toshqini oqibatlari shahar aholisiga katta zarar yetkazdi.
Qurbonlar orasida suv bilan to‘lib ketgan uyda qolgan besh kishilik oila ham borligi qayd etildi. Mahalliy hokim Gennadiy Truxanovning ta’kidlashicha, ikki oylik yog‘ingarchilik faqat yetti soat ichida bo‘lib o‘tgan, ammo yomg‘ir suvi tizimi bunday holatga tayyor emas edi.
Shuningdek, viloyat bo‘yicha 42 mingdan ortiq aholi elektr energiyasiz qolgan. Qutqaruv ishlariga 500 dan ortiq mutaxassis jalb etilgan.
Hozirda shaharni tiklash uchun zarur choralar ko‘rilmoqda, biroq qurbonlar va jabrlanganlar soni to‘liq aniqlanmoqda. Ushbu hodisa natijasida yuzaga kelgan zarar va oqibatlarni kamaytirish bo‘yicha ishlar davom etmoqda.
