Xitoyda eng katta suzuvchi shamol turbinasini ishga tushirdi
Xitoy qayta tiklanadigan energiya sohasida muhim yutuqqa erishdi. Bu haqda Zamin.uz xabar berdi.
Mamlakatda dunyodagi eng katta suzuvchi shamol turbinasining qurilishi va ishga tushirilishi amalga oshirildi. Ushbu turbina quvvati 16 megavattni tashkil etadi va qanot maydoni 7 ta futbol maydoniga tengdir.
Turbina Guanssi-Juang avtonom viloyatining Beyxay shahrida joylashgan bo‘lib, 50 metr chuqurlikdagi suvda sinovdan o‘tkazildi va keyinchalik milliy elektr tarmog‘iga ulandi. Turbina yiliga taxminan 44,7 million kilovatt soat energiya ishlab chiqaradi.
Bu esa 4 mingga yaqin uy xo‘jaligini elektr energiyasi bilan ta’minlash imkonini beradi. Loyiha doirasida barcha asosiy qismlar, jumladan turbina reduktori va ballast boshqaruv tizimi butunlay Xitoyda ishlab chiqarilgan.
Bu mamlakatning texnologik mustaqillikka erishish yo‘lida muhim qadam hisoblanadi. Qurilma dinamik ballast tizimi bilan jihozlangan bo‘lib, u shamol va to‘lqin kuchiga qarab suv oqimini moslashtiradi.
Natijada turbina barqaror ishlaydi va og‘ir dengiz sharoitida ham yuqori samaradorlikni saqlay oladi. Ushbu yangi texnologiya qayta tiklanadigan energiya manbalarini rivojlantirishda katta ahamiyatga ega bo‘ladi.
