Marineland kitlarni yo‘q qilish bilan tahdid qilmoqda
Kanadadagi mashhur Marineland okeanariumi moliyaviy qiyinchiliklar tufayli 30 ta kitni yo‘q qilish bilan tahdid qilmoqda. Bu haqda Zamin.uz xabar berdi.
Bild nashri xabariga ko‘ra, okeanarium rahbariyati agar federal hukumat yordam bermasa yoki hayvonlarni chet elga chiqarishga ruxsat bermasa, og‘ir qaror qabul qilishga majbur bo‘lishini ma’lum qilgan. Bu haqda hukumatga yuborilgan rasmiy maktubda bildirildi.
Marineland avval Xitoydagi Chimelong Ocean Kingdom bog‘iga hayvonlarni topshirishga harakat qilgan, ammo Kanada baliqchilik vaziri Joan Tompson bu taklifni rad etgan. Vazirning ta’kidlashicha, kitlar asirlikda azob chekishini oldini olish muhimdir.
Okeanarium ilgari ham tanqidga uchragan, 2019-yildan buyon u yerda 20 ta kit halok bo‘lgan. Yil yozida Marineland eshiklarini yopib, sotuvga qo‘yilgani haqida xabarlar tarqaldi.
Ontario bosh vaziri Dag Ford hayvonlarni qutqarish uchun barcha choralar ko‘rilishini ta’kidlagan. Huquq himoyachilari esa rahbariyatni shantajda ayblab, javobgarlikka tortishni talab qilmoqda.
Animal Justice tashkiloti vakili Kamilla Labchak bu hayvonlarning azobidan Marineland yillar davomida foyda ko‘rganini aytib, endi ular mas’uliyatli qaror qabul qilishi kerakligini ta’kidladi.
