Meta homila yo‘qotgan ayollarga reklama ko‘rsatmoqda
Meta kompaniyasining Facebook va Instagram ijtimoiy tarmoqlarida ba’zi ayollar homila yo‘qotgach ham bolalar va homiladorlik mavzusidagi reklamalarni ko‘rishda davom etmoqda. Bu haqda Zamin.uz xabar berdi.
Bu holat ularning ruhiy holatiga salbiy ta’sir ko‘rsatmoqda. Britaniyalik Sammi Klakson besh marta homila yo‘qotganini aytib, bunday reklamalar unga juda og‘ir kechayotganini ta’kidladi.
Shuningdek, Taniya ismli ayol Facebook kompaniyasini shaxsiy ma’lumotlardan reklama maqsadida foydalanishda ayblab, sudga murojaat qilgan. Natijada, kompaniya ayrim foydalanuvchilar uchun bunday reklamalarni to‘xtatishni ma’qulladi.
Rianon Louson ismli ayol ham farzandini yo‘qotgach, telefonida bolalar mahsulotlari va homiladorlik bilan bog‘liq ilovalar reklamalarini ko‘rishini aytdi va bu holatni og‘riqli deb baholadi. Meta kompaniyasi foydalanuvchilarga reklamalarni cheklash imkoniyati mavjudligini bildirgan, biroq ko‘pchilik bu sozlamalar samarali ishlamayotganini ta’kidlamoqda.
Bu masala ijtimoiy tarmoqlarda muhokama qilinmoqda va foydalanuvchilarning ruhiy sog‘lig‘ini himoya qilish uchun qo‘shimcha choralar ko‘rilishi zarur.
