Qozog‘istonning Olmaota shahrida terrorchilik hujumini rejalashtirgan besh nafar chet ellik fuqarosi hibsga olindi. Bu haqda Zamin.uz xabar berdi.
Bu haqda mamlakat Milliy xavfsizlik qo‘mitasi (KNB) ma’lum qildi. Rasmiy ma’lumotlarga ko‘ra, gumondorlar sentyabr oyida terrorchilik hujumini amalga oshirish uchun maxsus reja tuzishgan va tayyorgarlik bosqichiga o‘tishgan.
KNB xodimlari tomonidan o‘tkazilgan tezkor tadbirlar natijasida ular faoliyati fosh etilib, darhol ushlangan. Hozirda tergov ishlari davom etmoqda.
Xavfsizlik sabablariga ko‘ra, tergov tafsilotlari hozircha oshkor qilinmadi. Shuningdek, sentyabr va oktyabr oylarida terrorizmni targ‘ib qilishda gumon qilingan sakkiz nafar Qozog‘iston fuqarosi ham hibsga olingan.
Ularning faoliyati ekstremistik g‘oyalarni yoyish bilan bog‘liq bo‘lishi mumkinligi aytilmoqda. Milliy xavfsizlik organlari ushbu holatlar bo‘yicha ishlarni davom ettirmoqda va jamoat xavfsizligini ta’minlashga qaratilgan chora-tadbirlarni kuchaytirmoqda.
