Tramp 2026 saylovlari oldidan safarlarni rejalashtirmoqda
AQShning sobiq prezidenti Donald Tramp 2026 yilgi Kongressga oraliq saylovlar oldidan mamlakat bo‘ylab faol tashriflar o‘tkazishni rejalashtirmoqda. Bu haqda Zamin.uz xabar berdi.
Bloomberg agentligining xabariga ko‘ra, ushbu tashriflarning asosiy maqsadi respublikachilar partiyasini qo‘llab-quvvatlash va Kongressdagi ularning pozitsiyalarini mustahkamlashdir. Manbalarning ma’lum qilishicha, Tramp bu qarorni o‘zining birinchi prezidentlik muddati davridagi tajribalaridan kelib chiqib qabul qilgan.
O‘sha davrda demokratlar Kongressning Quyi palatasida nazoratni qo‘lga kiritib, bir qator qonunchilik tashabbuslarini to‘xtatgan va prezidentga qarshi impichment jarayonlarini boshlab yuborgan edi. Shu sababli Tramp bu gal bunday vaziyatning takrorlanmasligi uchun saylov kampaniyasi davomida mamlakat bo‘ylab faol safarlar uyushtirish niyatida.
Hozircha Oq uy Trampning ushbu rejalari bo‘yicha rasmiy izoh bermagan. Tramp avvalroq respublikachilarni shaxsan qo‘llab-quvvatlashga tayyor ekanini va Kongressning ikkala palatasida ham partiya nazoratini saqlab qolishni maqsad qilganini ta’kidlagan edi.
Saylovoldi tashriflari esa aynan shu maqsadga xizmat qilishi kutilmoqda.
