Toshkent metrosidagi hazil blogerni muammoga duch qoldirdi
2025 yil 10-noyabr kuni Qozog‘istondan kelgan bloger Arujan Aybekova Toshkent metrosida o‘tkazgan hazil (prank) sabab unga nisbatan ma’muriy ish qo‘zg‘atilgani haqida o‘z fikrlarini bildirdi. Bu haqda Zamin.uz xabar berdi.
Avvalroq u Toshkent metrosida yosh yigitlarga hazil qilish jarayonini videoga olib, ijtimoiy tarmoqlardagi sahifalarida e’lon qilgan edi. Ushbu videolar ijtimoiy tarmoqlarda keng muhokamaga sabab bo‘ldi.
O‘zbekistonlik foydalanuvchilar blogerning bu harakatini hurmatsizlik sifatida qabul qilishdi. Ayniqsa, ayollar jamoat transportida turli noqulaylik va bosimlarga duch keladigan sharoitda bunday hazillarni masxara deb baholashdi.
Blogerning keyingi videosida u onasining ovozli xabarini tinglayotganda ko‘z yoshlarini tiyib turolmagani aks etgan. Onasi unga quyidagicha murojaat qilgan: "Endi men odamlarning ko‘ziga qanday qarayman?
Bu ishni tashla. Bu yo‘l seniki emas." Arujan esa javobida hammasi yaxshi bo‘lishini aytib, o‘z harakatlariga izoh berdi: "Men odamlarni xursand qilishni, ularning kayfiyatini ko‘tarishni istadim.
Mening maqsadim atrofni quvonch va muhabbat bilan to‘ldirish edi," dedi u.
