Bishkekda kafelar 22:00 dan keyin yopiladi
Qirg‘izistonning Bishkek shahri hokimiyati tomonidan jamoat ovqatlanish muassasalarining faoliyatiga yangi cheklovlar joriy etildi. Bu haqda Zamin.uz xabar berdi.
Ushbu qarorga muvofiq, kafe, restoran, bar va tungi klublar soat 22:00 dan keyin ishlashni to‘xtatishi shart. Mazkur cheklov tinchlikni saqlash va xavfsizlikni ta’minlash maqsadida qabul qilingan.
Shahar ma’muriyati muassasa egalariga kechki vaqtlarda ko‘ngilochar tadbirlarni o‘tkazmaslik, elektr jihozlari, jumladan, pech va isitish moslamalarini o‘chirish bo‘yicha ko‘rsatmalar berdi. Ushbu choralar Davlat milliy xavfsizlik qo‘mitasi rahbari Kamchibek Tashiyev tomonidan berilgan tavsiyalar asosida amalga oshirildi.
Shuningdek, tuman ma’muriyatlariga ushbu qoidalar ijrosini nazorat qilish va muntazam reydlar o‘tkazish vazifasi yuklatildi. Maqsad – qonunlarga rioya qilinishini ta’minlash va shahar xavfsizligini mustahkamlash.
Bu haqda Kaktus.media axborot nashri xabar berdi.
