Quyosh fonida parashyutchi tasvirlangan noodatiy loyiha
Astrofotograf Endryu MakKarti "Ikarning qulashi" nomli noodatiy fotoloyihasini taqdim etdi. Bu haqda Zamin.uz xabar berdi.
Ushbu loyiha doirasida parashyutchi Quyosh fonida tasvirlangan. Suratkashning so‘zlariga ko‘ra, bu kadrni yaratish uchun bir necha hafta davomida rejalashtirish ishlari olib borilgan.
Shuningdek, samolyotni Quyoshga nisbatan to‘g‘ri joylashtirish uchun olti marta urinishga to‘g‘ri kelgan. Mazkur loyiha uchun model sifatida bloger va musiqachi Gabriel S.
Braun ishtirok etdi. U fotosuratchidan taxminan ikki yarim kilometr uzoqlikda, 1070 metr balandlikdan sakradi.
Endryu MakKarti bu ishning murakkabligini ta’kidlab, quyidagilarni aytib o‘tgan: "Bizda ko‘rish burchagi juda tor edi, shuning uchun bir necha marta sinab ko‘rishga majbur bo‘ldik. Sakrash uchun esa faqat bitta imkoniyatimiz bor edi, chunki parashyutni xavfsiz qayta o‘rnatish uchun juda ko‘p vaqt talab qilinardi." Bu loyiha astrofotografiya va parashyut sporti sohalarini birlashtirgan holda, noodatiy va diqqatga sazovor natijani namoyish etdi.
