Isroil XAMAS yetakchisi Raed Saadni yo‘q qildi
Isroil Mudofaa kuchlari 13-dekabr kuni XAMASning yuqori lavozimli harbiy yetakchilaridan biri, qurol-yarog‘ ishlab chiqarish shtabi rahbari Raed Saad yo‘q qilinganini e’lon qildi. Bu haqda Zamin.uz xabar berdi.
Isroil tomoni uni 7-oktyabr voqealarida mamlakatga qarshi uyushtirilgan hujumning asosiy rejalashtiruvchilaridan biri sifatida ko‘rsatmoqda. Isroil Mudofaa kuchlari (SAXAL) tomonidan berilgan ma’lumotga ko‘ra, Raed Saad XAMASning harbiy salohiyatini oshirish, yangi jangovar uskunalar ishlab chiqarish va urush davomida yo‘qotilgan resurslarni tiklash jarayonlariga rahbarlik qilgan.
U XAMAS harbiy infratuzilmasida muhim o‘rin egallagan shaxs sifatida tilga olinmoqda. Isroil maxsus xizmatlari — ShABAK bilan hamkorlikdagi ma’lumotlarga ko‘ra, so‘nggi haftalarda XAMAS jangchilari qurolli faoliyatni qayta tiklashga urinishgan.
Ular, xususan, Isroil harbiy kuchlariga qarshi qo‘lbola portlovchi qurilmalardan foydalanishga harakat qilgan. Bu holatlar o‘t ochishni to‘xtatish bo‘yicha erishilgan kelishuv shartlarining buzilishi sifatida baholangan.
