Mayamida Ukraina, AQSH va Yevropa muzokaralari yakunlandi
Ukraina delegatsiyasi AQSH va Yevropa Ittifoqi vakillari bilan Mayami shahrida bo‘lib o‘tgan muzokaralarni yakunladi. Bu haqda Zamin.uz xabar berdi.
Bu haqda Ukraina Milliy xavfsizlik va mudofaa kengashi rahbari Rustam Umerov ma’lum qildi. Endi ushbu hududda AQSH va Rossiya o‘rtasida alohida uchrashuvlar o‘tkazilishi kutilmoqda.
Xabarlarga ko‘ra, muzokaralar 19 dekabr kuni bo‘lib o‘tgan. Ukraina delegatsiyasiga rahbarlik qilgan Rustam Umerov uchrashuv tafsilotlarini ochiqlamagan, biroq suhbatlarda Yevropa Ittifoqi vakillarining ham qatnashganini ta’kidlagan.
Unga ko‘ra, muzokaralar natijalari haqida Ukraina prezidenti Volodimir Zelenskiyga ma’lumot berilgan. — AQSH va Yevropa Ittifoqi vakillari bilan uchrashuvni yakunladik.
Kelgusidagi qadamlar va hamkorlik masalalarida kelishuvga erishdik, — deya yozdi Umerov. Ma’lum qilinishicha, bu muzokaralar 23 noyabr kuni Jenevada Ukraina va AQSH delegatsiyalari o‘rtasida o‘tkazilgan uchrashuv davomida muhokama qilingan masalalar asosida tashkil etilgan.
Ushbu muloqotlarda “Trampning Ukraina bo‘yicha rejasi” deb ataluvchi konsepsiya asosida ish olib borilmoqda. 20–21 dekabr kunlari Rossiya delegatsiyasining Mayamiga yetib kelishi kutilmoqda.
Delegatsiyaga Rossiya prezidentining maxsus vakili Kirill Dmitriyev rahbarlik qiladi. U AQSH prezidentining maxsus vakili Stiv Uitkoff va Donald Trampning kuyovi Jared Kushner bilan uchrashuvlar o‘tkazishi rejalashtirilgan.
Xabarlarga ko‘ra, AQSH Ukrainaga Rossiya bilan urush tugagandan so‘ng xavfsizlik kafolatlari taklif qilishni rejalashtirmoqda. Biroq Donetsk va Luhansk hududlari bo‘yicha mavjud talablarga kelishish hali ham murakkab bo‘lib qolmoqda.
Berlindagi avvalgi uchrashuvlarda ham bu masala muhokama qilingan. Kreml ushbu talablarga javoban o‘z pozitsiyasini qat’iy saqlab, kuch ishlatish ehtimolini istisno qilmayapti.
Ukraina esa o‘z hududiy yaxlitligini saqlashda qat’iy ekanini bildirmoqda. Prezident Zelenskiy Donbass hududlarini na de-fakto, na de-yure Rossiyaniki deb tan olish niyatida emasligini ta’kidladi.
AQSH esa bu masalada murosaga erishish uchun harakat qilmoqda. Mayamidagi ushbu muzokaralar xalqaro siyosiy maydonda yangi o‘zgarishlar bo‘lishidan darak bermoqda.
