Xitoyda korrupsiyada ayblangan sobiq amaldor o‘lim jazosiga hukm qilindi. Bu haqda Zamin.uz xabar berdi.
Xaykou shahri sobiq meri tergov davomida davlat mablag‘larini talon-toroj qilish va pora olishda aybdor deb topilgan. Tergov jarayonida uning uyidan topilgan boyliklar nafaqat Xitoy, balki butun dunyo jamoatchiligini hayratga soldi.
Sobiq amaldorning xonadonida 13,5 tonna sof oltin, 23 tonna naqd pul, shuningdek, elita ko‘chmas mulklar va qimmatbaho avtomobillar kolleksiyasi aniqlangan. Ushbu mulklar davlat foydasiga musodara qilindi.
Tergov xulosasiga ko‘ra, u 2009–2019 yillar davomida hukumat shartnomalarini qo‘lga kiritish va yer uchastkalarini rasmiylashtirish evaziga pora olib, noqonuniy boylik orttirgan. Bu davrda u jami 4,3 milliard dollarlik boylik to‘plagani ma’lum bo‘ldi.
Sud uni xizmat vakolatlarini suiiste’mol qilganlik va davlat mablag‘larini o‘zlashtirganlikda aybdor deb topdi. Ushbu voqea Xitoyning korrupsiyaga qarshi kurash tarixidagi eng yirik holatlardan biri sifatida qayd etildi.
