Jo Bayden yiliga 417 ming dollar nafaqa oladi

AQSHning sobiq prezidenti Jo Bayden har yili taxminan 417 ming dollar miqdorida nafaqa oladi. Bu haqda Zamin.uz xabar berdi.

Bu haqda The New York Post nashri xabar bergan. Ma’lumotlarga ko‘ra, ushbu summa Baydenning prezidentlik davridagi rasmiy maoshidan ham yuqori bo‘lib, Barak Obama oladigan nafaqadan deyarli ikki barobar ko‘p ekanligi ta’kidlanmoqda.

Baydenning nafaqasi prezident sifatida olgan yillik maoshidan 17 ming dollarga ortiq ekani ham qayd etilgan. Manbalarga ko‘ra, sobiq prezidentga belgilangan yuqori nafaqa uning uzoq yillik siyosiy faoliyati bilan bog‘liq.

Bayden iste’foga chiqqanidan keyin darhol ikki xil davlat pensiya jamg‘armasidan to‘lov olish huquqiga ega bo‘lgan. Soliq to‘lovchilarni himoya qilish milliy jamg‘armasi vitse-prezidenti Demian Bredi Baydenning siyosiy faoliyati sababli “noyob maqom”ga ega ekanligini ta’kidlagan.

Jo Bayden o‘z faoliyati davomida senator, vitse-prezident va prezident lavozimlarida faoliyat yuritgan. Aynan shu tajriba uning nafaqa miqdorini belgilashda muhim omil bo‘lgani qayd etilgan.

Sobiq prezidentning uzoq yillik davlat xizmatidagi tajribasi uning moliyaviy ta’minoti darajasini sezilarli darajada oshirgan.