Ig‘dirda 16 yoshli qiz pichoqlandi, gumonlanuvchi qamoqda
Joriy yilning 10 fevral kuni Turkiyaning Ig‘dir shahrida 23 yoshli yigit 16 yoshli qizni pichoqlash holati yuz berdi. Bu haqda Zamin.uz xabar berdi.
Bu haqda DHA axborot agentligi xabar berdi. Voqea Jumhuriyat tumanidagi Jumhuriyat ko‘chasida sodir bo‘lgan.
Ma’lumotlarga ko‘ra, Y.B. ismli shaxs ko‘chada harakatlanayotgan uch nafar qizning birini to‘xtatib, qornidan pichoqlagan.
Hodisa joyida bo‘lgan fuqarolar darhol tez yordam xizmatiga murojaat qilishgan. Yaralangan qiz shifoxonaga yetkazilib, unga zaruriy tibbiy yordam ko‘rsatilgan va hayoti saqlab qolingan.
Hodisa sababli Y.B. qo‘lga olingan.
Tergov davomida u jabrlanuvchini tanimasligini va bu harakatni oldindan rejalashtirmaganini bildirgan. U o‘z so‘zida: “Uyimdan chiqdim va kimnidir pichoqlashim kerak, deb o‘yladim”, degan.
Sud qaroriga ko‘ra, Y.B. “qasddan odam o‘ldirishga urinish” aybi bilan qamoqqa olingan.
Mazkur holat bo‘yicha tergov ishlari davom etmoqda.
