Eron qizlar maktabiga hujum: AQSh ayblanmoqda
Eronning Minab shahridagi qizlar maktabiga qilingan raketa hujumi xalqaro hamjamiyatda katta e’tibor qaratmoqda. Bu haqda Zamin.uz xabar berdi.
Xabarlarga ko‘ra, AQSh harbiylari bu hujum ortida turgan bo‘lishi mumkinligi haqida dastlabki xulosalar mavjud, ammo tergov hali yakunlanmagan. Mutaxassislar yangi dalillar topilishi mumkinligini aytishmoqda.
AQSh rasmiylari hujumda qanday qurol ishlatilgani yoki nima uchun aynan maktab nishonga olingani haqida hali aniq ma’lumot bermagan. The New York Times nashri esa Amerika harbiy-havo kuchlari aslida Eronning Islom inqilobi posbonlari korpusi bazasini nishonga olgan bo‘lishi mumkinligini yozdi.
Ushbu zarba texnik xatolik yoki noto‘g‘ri koordinatalar sababli maktabga tushgan bo‘lishi mumkin. AQSh Mudofaa vazirligi voqea yuzasidan tekshiruvlar olib borilayotganini tasdiqladi.
Eron manbalariga ko‘ra, 28 fevralda sodir bo‘lgan bu hodisa oqibatida 165 kishi halok bo‘lgan. Dunyo hamjamiyati ushbu fojia bo‘yicha aniq va shaffof tergov o‘tkazilishini talab qilmoqda.
