Xitoy tog‘larida dunyodagi eng baland eskalator ishga tushdi
Xitoyning tog‘li hududlarida yashovchi aholi uchun mashaqqatli bo‘lib kelgan tepaga ko‘tarilish jarayoni endi tarix sahifalariga o‘tdi. Bu haqda Zamin.uz xabar berdi.
Chunsin shahri yaqinidagi Ushan tumani hududida muhandislik san’atining haqiqiy durdonasi qad rostladi. Bu noyob inshoot voha aholisi va sayyohlar uchun qulaylik yaratish maqsadida qurilgan bo‘lib, uning tafsilotlari bilan tanishamiz.
Uzoq yillar davomida mahalliy aholi uchun oddiy maishiy ehtiyojlarni qondirish, ya’ni ishga borish yoki bozorga chiqish haqiqiy sinov bo‘lib kelgan edi. Odamlar tik qoyalar va ilon izi kabi burama yo‘llardan tepaga ko‘tarilish uchun har safar kamida bir soat vaqt sarflashgan.
2026 yilning fevral oyi yakunida Xitoy yangi yili tantanalari davom etayotgan bir paytda Wushan xudoyasi eskalator majmuasi tantanali ravishda foydalanishga topshirildi. Ajdarho raqslari va an’anaviy qizil fonarlar bilan bezatilgan muhitda ochilgan ushbu tizim nafaqat transport vositasi, balki hududning yangi ramziga aylandi.
Ushbu majmua o‘zining o‘lchamlari va qurilish murakkabligi bilan dunyodagi eng mashhur tizimni ortda qoldirib, yangi jahon rekordini o‘rnatdi. Inshootning umumiy uzunligi 905 metrni tashkil qiladi.
Ko‘tarilish balandligi esa 242 metr bo‘lib, bu taqriban sakkon qavatli binoga tengdir. Yo‘l vaqti 60 daqiqadan 20 daqiqagacha qisqardi.
Qurilish uslubi tog‘ni quchib turuvchi konstruksiyaga asoslangan holda amalga oshirilgan. Tizimning o‘ziga xos jihati shundaki, u shunchaki to‘g‘ri chiziqli ko‘tarilish emas, balki yer relefining tabiiy egri chiziqlarini takrorlaydigan murakkab eskalatorlar, liftlar va piyodalar yo‘laklari majmuidir.
Butun inshoot mustahkam shisha panellar bilan o‘ralgan bo‘lib, yo‘lovchilarga mashhur Usya darasining go‘zal manzaralaridan bahra olish imkonini beradi. Infratuzilma Chunsinning o‘ta tik relefi va kutilmagan ob-havo sharoitlariga bardosh bera oladigan qilib loyihalashtirilgan.
Tog‘li megapolis deb ataluvchi Chunsin shahrida infratuzilma tekis yerda emas, balki bir necha vertikal sathlarda rivojlangani bilan dunyoni lol qoldirib keladi. Ushbu loyihaning ishga tushirilishi nafaqat mahalliy aholining turmush tarzini yengillashtirdi, balki hududga keluvchi sayyohlar oqimining keskin oshishiga ham xizmat qilmoqda.
Endi tog‘ choqqisiga chiqish charchatadigan jarayondan huzurbaxsh sayohatga aylandi. Siz-chi sakkon qavat balandlikka ko‘tariladigan mana shunday shishaband eskalatorda yurishga jasorat qila olarmidingiz.
Bunday balandlik sizni qo‘rqitadimi yoki hayajonga soladimi.
