Nebius Group va Meta Platforms suniy intellekt uchun hamkorlik qilmoqda
Sobiq “Yandeks” bosh direktori Arkadiy Voloj tomonidan asos solingan va sun’iy intellekt texnologiyalari uchun bulutli hisoblash yechimlariga ixtisoslashgan Niderlandiyaning Nebius Group N.V. Bu haqda Zamin.uz xabar berdi.
kompaniyasi Amerika Qo‘shma Shtatlarining Meta Platforms Inc. korporatsiyasi bilan sun’iy intellekt loyihalari uchun infratuzilma yetkazib berish bo‘yicha uzoq muddatli va strategik kelishuv imzoladi.
Bu haqda Nebius Group N.V. kompaniyasining 16 mart, dushanba kuni e’lon qilingan press-relizida ma’lum qilindi.
Kelishuv besh yil davomida amal qiladi. Ushbu davrda Nebius Group N.V.
NVIDIA Vera Rubin platformasi asosida qiymati 12 milliard dollar miqdoridagi hisoblash quvvatlarini taqdim etadi. Birinchi yetkazib berishlar 2027 yil boshida amalga oshirilishi rejalashtirilgan.
Shuningdek, Meta Platforms Inc. besh yil davomida Nebius Group N.V.
tomonidan yangi klasterlarda yaratiladigan hisoblash quvvatlarining bir qismini, umumiy qiymati 15 milliard dollargacha bo‘lgan miqdorda xarid qilish majburiyatini oldi. Qolgan quvvatlar kompaniya tomonidan uchinchi tomon mijozlariga sotilishi yoki zaxirada saqlanishi rejalashtirilgan.
Bitimning umumiy qiymati taxminan 27 milliard dollarni tashkil etadi. Bloomberg agentligining ta’kidlashicha, bu Meta Platforms Inc.
uchun hisoblash quvvatlari bo‘yicha amalga oshirilgan eng yirik shartnomalardan biri hisoblanadi. “Biz Meta bilan hisoblash quvvatlari taqdim etish bo‘yicha yangi va yirik uzoq muddatli strategik hamkorlikni kengaytirganimizdan mamnunmiz”, — dedi Arkadiy Voloj.
Bu yangilik fonida Nebius Group N.V. aksiyalari dushanba kuni savdolar boshlanishidan oldin 15 foizga qimmatlashdi.
Kompaniya aksiyalarining qiymati so‘nggi 12 oy ichida qariyb to‘rt barobar oshdi. Meta Platforms Inc.
aksiyalari esa 2,8 foizga ko‘tarildi. Shuningdek, 2025 yil kuzida Nebius Group N.V.
Microsoft korporatsiyasi bilan qariyb 20 milliard dollarlik besh yillik shartnoma imzolagan. 2026 yil mart oyida esa Nvidia bilan 2 milliard dollarlik hamkorlik kelishuvi tuzgan edi.
Ushbu hamkorlik sun’iy intellekt sohasidagi infratuzilma va hisoblash quvvatlari bo‘yicha global bozordagi eng yirik va strategik qadamlardan biri sifatida baholanmoqda.
