Mujtabo Xomanaiy AQSh takliflarini rad etdi
Reuters agentligi tarqatgan ma’lumotlarga ko‘ra, Mujtabo Xomanaiy Amerika Qo‘shma Shtatlari tomonidan mojaroni yumshatish yoki tinchlik o‘rnatishga qaratilgan takliflarni qabul qilmagan. Bu haqda Zamin.uz xabar berdi.
Manba ma’lumotiga ko‘ra, bu taklif ikki vositachi davlat orqali Eronga yetkazilgan. Ismi oshkor qilinmagan eronlik rasmiy shaxsning aytishicha, ushbu tashabbus Amerika Qo‘shma Shtatlari bilan ziddiyatni kamaytirish yoki muzokaralarni boshlash imkoniyatini o‘z ichiga olgan.
Agentlik xabariga ko‘ra, tashqi siyosatga oid dastlabki uchrashuvlardan birida Mujtabo Xomanaiyning Amerika Qo‘shma Shtatlari va Isroilga nisbatan pozitsiyasi juda qat’iy va jiddiy bo‘lganligi alohida ta’kidlangan. Shu bilan birga, mazkur uchrashuvda Xomanaiy shaxsan ishtirok etgan yoki qatnashmaganligi haqida aniq ma’lumot berilmagan.
Reuters agentligi qayd etishicha, vositachilar orqali yuborilgan taklif Eron va Amerika Qo‘shma Shtatlari o‘rtasidagi ziddiyatni kamaytirish hamda ehtimoliy kelishuv variantlarini muhokama qilishga qaratilgan edi.
