AQSH Meksika chegarasini pashsha xavfi uchun yopdi

Amerika Qo‘shma Shtatlari Meksika bilan janubiy chegarasini vaqtincha yopishga qaror qildi. Bu haqida Zamin.uz xabar berdi.

Bu cheklovlar migratsiyaga emas, balki chorva mollariga jiddiy zarar yetkazayotgan tropik hasharot — Amerika pashshasiga qarshi qaratilgan. Ushbu pashsha chorva mollarining terisiga tuxum qo‘yib, lichinkalari orqali og‘ir jarohatlar hosil qiladi.

Natijada hayvonlarda og‘riq, infeksiya va hatto o‘lim holatlari yuzaga keladi. Bu esa fermerlar uchun katta iqtisodiy zarar keltiradi.

AQSH bu muammoni hal qilish uchun uzoq yillardan buyon zararsiz, ya’ni sterillangan erkak pashshalarni ko‘paytirib, ularni yovvoyi urg‘ochilar bilan juftlashishi uchun havoga qo‘yadi. Ushbu usul 1970-yillarda Panama hududida muvaffaqiyatli qo‘llangan.

Ammo 2024 yil oxirida Meksikaning janubida Amerika pashshalarining soni qayta ko‘payib, ular Texas shtati tomon harakat qilmoqda. Agar pashshalar ushbu hududga kirsa, go‘sht sanoatiga katta zarar yetishi mumkin.

Shu sababli, AQSH hukumati Meksikadan kiradigan barcha tirik chorva mollarini vaqtincha qabul qilishni to‘xtatdi. Bu choralar pashshaning mamlakatga kirib kelishini oldini olishga qaratilgan.

Meksika prezidenti Klaudiya Sheynbaum esa bu qarorni tanqid qilib, AQSHning bu harakati go‘sht bozorini himoya qilish uchun tahdidni ortiqcha oshirib ko‘rsatish ekanligini bildirdi.