Toshkent shahar IIBB Yo‘l harakati xavfsizligi bosh boshqarmasi matbuot xizmatida jamoat xavfli usulda Xitoy avtomobilini sinovdan o‘tkazgan haydovchiga nisbatan chora ko‘rildi. Bu haqida Upl.uz xabar berdi.
Ijtimoiy tarmoqlarda bir guruh fuqarolar "Soureast" rusumli Xitoy avtomobilini sinovdan o‘tkazayotgan videorolik tarqaldi. Ma’lum bo‘lishicha, avtosalon direktorlaridan biri va uning xodimlari Instagram ijtimoiy tarmog‘i uchun videorolik tayyorlash maqsadida avtomobilni sinovdan o‘tkazishni rejalashtirgan.
Biroq, ular buni jamoat uchun xavfli usulda amalga oshirgan. Avtomobil rulida aynan avtosalon direktori bo‘lgan.
Ba’zi paytlarda u avtomobilni to‘xtatishga ulgurgan, biroq bir holatda o‘z xodimini urib yuborgan. Ushbu holat bo‘yicha Yo‘l harakati qoidalarining bir nechta bandlari buzilgani aniqlanib, avtosalon direktori haqida ma’muriy bayonnoma tuzildi.
Avtomobil jarima maydonchasiga joylashtirildi. Ushbu holat yo‘l harakati qoidalariga qat’iy rioya qilish zarurligini yana bir bor eslatadi.
