2025 yilning yanvar oyidan iyun oyigacha bo‘lgan davrda O‘zbekiston fuqarolarining 3,5 milliondan ortig‘i turistik maqsadlarda xorijga safar qilgan. Bu haqida Upl.uz xabar berdi.
Bu haqda O‘zbekiston Respublikasi Davlat statistika qo‘mitasi ma’lumotlari asosida ma’lum qilinmoqda. O‘tgan yilning shu davriga nisbatan sayohatchilar soni 810 mingga yoki 29,7 foizga oshgan.
Xorijga chiqish bo‘yicha eng ko‘p sayohatlar yaqin qo‘shni davlatlarga amalga oshirilgan. Jumladan, Qirg‘izistonga 1 527 303 nafar, Qozog‘istonga 664 669 nafar, Tojikistonga 631 660 nafar o‘zbekistonliklar borgan.
Shuningdek, Rossiyaga 230 412 nafar, Saudiya Arabistoni davlatiga 145 294 nafar, Turkiyaga 102 ming nafar sayyoh yo‘l olgan. Boshqa mamlakatlarga esa quyidagicha yo‘l olganlar soni qayd etilgan: BAAga 72 729, Misrga 30 959, Tailandga 16 671, Vetnamga 16 179 va boshqa mamlakatlarga jami 102 622 nafar fuqarolarimiz tashrif buyurgan.
Bu ko‘rsatkichlar O‘zbekiston fuqarolari orasida xorijga sayohat qilishga bo‘lgan qiziqishning oshayotganini ko‘rsatadi. Ayniqsa, qo‘shni mamlakatlar va yaqin geografik hududlarga sayohatlar ko‘p bo‘lib, bu mintaqalar o‘rtasidagi madaniy va iqtisodiy aloqalarning mustahkamlanayotganidan dalolat beradi.
Davlat tomonidan sayohatlarni yanada qulay va xavfsiz qilish bo‘yicha chora-tadbirlar davom ettirilmoqda.
