Buxoro viloyati Ichki ishlar boshqarmasi matbuot xizmatidan ma’lum qilinishicha, Buxoro viloyati fuqorosi Umarov Baxtibek Mirzabekovich haqida izlanish ishlari olib borilmoqda. Bu haqida Upl.uz xabar berdi.
Ushbu fuqaro o‘z uyidan noma’lum yo‘nalishda chiqqan va hozirgacha uning qaerdaligini aniqlash imkoni bo‘lmadi. Ichki ishlar organlari xodimlari Baxtibek Mirzabekovichni topish uchun tezkor qidiruv tadbirlarini amalga oshirmoqdalar.
Agar sizda ushbu shaxs haqida ma’lumot bo‘lsa, iltimos, tezkor raqam 102 yoki 98 274 32 62 telefonlariga murojaat qiling. Shuningdek, yaqin atrofdagi ichki ishlar bo‘limiga yoki profilaktika inspektoriga ham ma’lumot berishingiz mumkin.
Fuqarolarning xabardorligi va hamkorligi qidiruv ishlarining samarali olib borilishida muhim ahamiyatga ega.
