Uzenergoinspektsiya matbuot xizmati tomonidan tabiiy gazni noqonuniy foydalanish holati aniqlangani haqida xabar berildi. Bu haqida Upl.uz xabar berdi.
Jizzax viloyat boshqarmasi xodimlari hamda gaz ta’minoti korxonasi mutaxassislari bilan hamkorlikda nazorat tadbirlari o‘tkazildi. Tadbir davomida Jizzax shahrida joylashgan “J.Sh.T.B.” tibbiyot muassasasi tekshirildi.
Tekshiruv natijasida gaz hisoblagichining nazorat plombalari buzilgani aniqlanib, muassasa tabiiy gazdan ruxsatsiz foydalanishda davom etayotgani ma’lum bo‘ldi. Mazkur holat yuzasidan tegishli hujjatlar rasmiylashtirildi.
Gaz ta’minoti korxonasiga yetkazilgan dastlabki zarar miqdori 951,7 million so‘mni tashkil etdi. Hozirda huquqni muhofaza qiluvchi organlar tomonidan dastlabki tergov harakatlari olib borilmoqda.
Ushbu holat bo‘yicha yakuniy huquqiy baho beriladi. Tabiiy gazdan foydalanishda qonun qoidalariga qat’iy rioya qilish zarurligi ta’kidlanmoqda.
