Afg‘onistonning Kam Air aviakompaniyasi va Uzbekistan Airways o‘rtasida strategik hamkorlik bo‘yicha shartnoma imzolandi. Bu haqida Upl.uz xabar berdi.
Ushbu hamkorlik mintaqaviy va xalqaro aviaperevozkalarda sezilarli o‘zgarishlar keltirib chiqarishi kutilmoqda. Shartnoma Osiyo, Yevropa va AQSh o‘rtasidagi transport aloqalarini yaxshilash, yo‘lovchilarga qulay va samarali yo‘nalishlarni taqdim etish maqsadida tuzilgan.
Yo‘lovchilar uchun bu hamkorlik bir qator qulayliklarni yaratadi. Endilikda ular butun marshrutni yagona chipta asosida bron qilishi, reyslar jadvali uyg‘unlashtirilgani tufayli ko‘chish vaqtlari qisqarishi, shuningdek, yuklarni tartibli va oson xizmat ko‘rsatish imkoniyatlaridan foydalanishi mumkin bo‘ladi.
Bu esa sayohatni yanada oson va yoqimli qiladi. Shuningdek, hamkorlik markaziy Osiyo, Yevropa va AQShdagi ko‘plab shaharlar va yo‘nalishlarga kirishni kengaytiradi.
Ikkala aviakompaniya vakillari ushbu hamkorlik yo‘lovchilarga xavfsiz va qulay sayohatni ta’minlashiga ishonch bildirmoqda. Bu yangi imkoniyatlar sayohatchilar uchun katta afzallik bo‘ladi.
