Andijon viloyati IIB Yo‘l harakati xavfsizligi boshqarmasi matbuot xizmatidan ma’lum qilinishicha, 2024 yil 10 iyul kuni soat 11:40 atrofida Shaxrixon tumani hududidan o‘tuvchi A-373 avtomobil yo‘lining 408-kilometrida yo‘l-transport hodisasi yuz berdi. Bu haqida Upl.uz xabar berdi.
Hodisa MChJ “Kazikurgan” hududida sodir bo‘ldi. “Cobalt” rusumli avtomobilning 1997 yilda tug‘ilgan haydovchisi ruxsat etilmagan joyda chapga burilish harakatini amalga oshirayotgan vaqtida orqasidan kelayotgan “Labo” avtomobili bilan to‘qnashdi.
“Labo” haydovchisi xavfsiz masofani saqlamaganligi sababli avariya yuz berdi. Hodisa oqibatida hech kim jarohat olmagan, avtomobillarga texnik zarar yetgan.
Ichki ishlar xodimlari voqea sabablarini aniqlash va aybdorni topish bo‘yicha tergov harakatlarini olib bormoqda.
