Masha Tilla va Yunkaa yangi duet klip chiqardi

Mashhur bloger va model sifatida tanilgan Masha Tilla, asl ismi Maryam, hamda mashhur reper Yunkaa o‘rtasidagi yangi hamkorlik mahsuli bo‘lgan “Shunaqa gaplar” nomli duet klipi ommaga taqdim etildi. Bu haqda Zamin.uz xabar berdi.

Ushbu qo‘shiq birinchi marta Pepsi Fest tadbirida jonli ijro etilgan edi. Bu Maryamning o‘zbek tilida kuylagan ikkinchi qo‘shig‘i hisoblanadi.

Avvalroq u reper Massa bilan “Cash” nomli duet ijro qilgan edi. “Shunaqa gaplar” klipining rejissyori Xojiakbar Lutfullayevdir.

Maryamning Instagramdagi yozishicha, ular Buxorodagi zamonaviy san’at biyennalesida tanishishgan va aynan o‘sha tadbirda qo‘shiq ilk bor namoyish etilgan. Videoklip zamonaviy tendensiyalarga mos ravishda, sun’iy intellekt yordamida portret yaratish trendiga o‘xshash sahna bilan boshlanadi.

Klipda blogerlar, kontent yaratuvchilar va reper Shokir ham ishtirok etgan. Shuningdek, Yunkaa ishtirokidagi oq-qora fonli sahnalar va balerinalarning raqsi amerikalik reper Kanye Westning “Runaway” klipiga vizual havola sifatida ko‘riladi.

Ushbu duet va klipni YouTube platformasi orqali tomosha qilish mumkin. Qo‘shiq matni, sahna g‘oyasi va tasviriy yechimlar tinglovchilarda katta qiziqish uyg‘otmoqda.