Netflix’da "Vedmak"ning 4-fasli taqdim etildi

Bugun, 30-oktabr kuni, Netflix platformasida "Vedmak" serialining to‘rtinchi fasli taqdim etildi. Bu haqda Zamin.uz xabar berdi.

Ushbu faslda bosh qahramon Geralt rolini ilk bor Genri Kavill o‘rniga Liam Xemsvort ijro etdi. Shuningdek, aktyorlar safiga Lourens Fishbern ham qo‘shilib, vampir Regis obrazini gavdalantirdi.

Serialning to‘rtinchi va beshinchi fasllari bir vaqtning o‘zida suratga olinmoqda. Beshinchi fasl yakuniy bo‘lib, Andjey Sapkovskiyning "Olovda cho‘milish", "Qaldirg‘och minorasi" va "Ko‘l malikasi" asarlariga asoslangan voqealarni yakunlaydi.

Eslatib o‘tamiz, uchinchi fasl qahramonlar taqdiri bo‘linib ketgan holatda yakunlangan edi. Geralt Vilgeforc bilan to‘qnashuvdan keyin Siritni qutqarishga tayyorgarlik ko‘radi, Sirit esa Falka nomini qabul qilib, "Kalamtar"lar to‘dasiga qo‘shiladi.

Tissayning o‘limidan so‘ng, Yennifer Aretuza sehrgarlariga rahbarlik qilishni boshlaydi. Serialning yangi fasllarida ushbu voqealar rivojini tomoshabinlar katta qiziqish bilan kuzatmoqda.