Kristian Beyl "Sxvatka 2" filmida bosh rolga da’vogar
2025-yil 18-noyabr kuni "Deadline" nashri xabariga ko‘ra, taniqli aktyor Kristian Beyl mashhur "Sxvatka" (Heat) jangovar filmining davomi bo‘lgan "Sxvatka 2" loyihasida bosh rol ijrochisi sifatida ishtirok etishi uchun muzokaralar olib bormoqda. Bu haqda Zamin.uz xabar berdi.
Film rejissori sifatida 1995-yilda suratga olingan asl filmni yaratgan Maykl Mann ishlaydi. Filmning suratga olish ishlari 2026-yilda boshlanishi rejalashtirilgan.
Biroq hozircha Kristian Beyl qaysi obrazni gavdalantirishi ma’lum qilinmagan. "Sxvatka 2" filmi voqealari Maykl Mann tomonidan 2022-yilda yozilgan romanga asoslanadi.
Film syujeti asl "Sxvatka" filmidagi voqealarning oldidan va keyin sodir bo‘lgan hodisalarni qamrab oladi. Bu asar bir vaqtning o‘zida prekvellar va sikvel sifatida namoyon bo‘lib, tomoshabinlarga yangi qiziqarli voqealarni taqdim etadi.
