Charos G‘afurova o‘g‘lining 2 yoshini nishonladi
Aktrisa Charos G‘afurova o‘g‘li Safoning ikki yoshga to‘lgan kunini iliq va samimiy tarzda nishonladi. Bu haqda Zamin.uz xabar berdi.
U o‘g‘li uchun maxsus tayyorlangan bento tortga "2" raqamli sham qo‘yib, uni o‘chirishni so‘radi va chin yurakdan tilaklar bildirdi. Ushbu quvonchli lahzalarni aktrisa o‘zining Instagram sahifasida video ko‘rinishida ulashdi.
Charos G‘afurova videoga quyidagi izohni qoldirdi: "Baxtim, suyukligim, hayotimning quvonchi — 2 yoshing muborak bo‘lsin. O‘tgan yili, 1 yoshingda, unchalik yaxshi sharoitim yo‘q edi.
Chunki bir vaqtning o‘zida ham ona, ham ota bo‘lish biroz qiyin ekan. Shu sabab tug‘ilgan kuningni nishonlay olmagan edim.
Alhamdulillah, bugun seni hech kimdan kam qilmay, sevib katta qilyapman. Sen hayotimni butunlay o‘zgartirding, boringga shukr, Safoyim." Aktrisaning ushbu hissiyotlarga boy videosi tomoshabinlar tomonidan iliq qabul qilindi.
Ko‘plab izohlar va tabriklar bildirilgan bo‘lib, muxlislar uning bu samimiy xatti-harakatini yuqori baholashdi.
