Bir qo‘shiq bilan tarixga kirgan yulduzlar
Ba’zan san’at olamida shunday hodisalar ro‘y beradiki, birgina qo‘shiq ijrochining hayotini butunlay o‘zgartirib yuboradi. Bu haqda Zamin.uz xabar berdi.
Quyida bir xit bilan ulkan daromadga ega bo‘lgan va o‘z nomini tarixga muhrlagan yulduzlar haqida hikoya qilamiz. **PSY — Gangnam Style** Janubiy Koreyalik xonanda PSY 2012-yilda “Gangnam Style” qo‘shig‘i bilan butun dunyoga tanildi.
Ushbu klip YouTube platformasida tarixdagi eng ko‘p ko‘rilgan video maqomini qo‘lga kiritdi. 2014-yilga kelib uni 2 milliarddan ortiq tomoshabin tomosha qilgan.
Hatto Google mutaxassislari hisoblagich kodini yangilashga majbur bo‘lishgan. PSY ushbu qo‘shig‘i bilan Ginnes rekordlar kitobiga ham kiritildi.
Ammo keyingi yillarda xonandaning boshqa asarlari bu darajadagi muvaffaqiyatni takrorlay olmadi. **Las Ketchup — The Ketchup Song** 2002-yilda ispan opa-singillardan iborat Las Ketchup guruhi “Asereje” qo‘shig‘i bilan dunyoga mashhur bo‘ldi.
Ushbu qo‘shiqning inglizcha versiyasi ham millionlab tinglovchilarni o‘ziga jalb qildi. Guruh keyinchalik yana bir albom chiqardi, ammo muvaffaqiyat uzoqqa cho‘zilmadi.
Bugungi kunda guruh tarqalgani ma’lum, lekin ular birgina xiti orqali moliyaviy barqarorlikka erishgan. **Selin Dion — My Heart Will Go On** Kanadalik xonanda Selin Dionning 1997-yilda “Titanik” filmi uchun ijro etgan “My Heart Will Go On” qo‘shig‘i uni dunyoga tanitdi.
Ushbu saundtrek Selinni nafaqat mashhur, balki boy yulduzlar qatoriga olib chiqdi. Hozirgi kunda xonandaning 20 dan ortiq albomi, yuzlab mukofotlari va millionlab muxlislari bor.
U hali ham faol ijod qilmoqda. **Los del Rio — Macarena** Ispaniyaning Los del Rio guruhi 1993-yilda “Macarena” qo‘shig‘i va unga mos raqs harakatlari bilan butun dunyoni hayratda qoldirdi.
Qo‘shiq 1996-yilda AQShda ham mashhur bo‘lib, guruhning plastinkasi millionlab nusxada sotildi. Ammo bu muvaffaqiyat uzoqqa cho‘zilmadi, keyingi qo‘shiqlari oldingi darajaga chiqmadi.
**Kaoma — Lambada** 1989-yilda fransuz Kaoma guruhi “Lambada” qo‘shig‘i bilan katta muvaffaqiyatga erishdi. Internet va ijtimoiy tarmoqlar yo‘qligiga qaramay, ushbu xit gastrollar va jonli konsertlar orqali dunyoga mashhur bo‘ldi.
Keyinchalik guruh boshqa bunday darajadagi xit yaratmagan bo‘lsa-da, “Lambada” ularga moliyaviy barqarorlik va abadiy yodda qoladigan nom qoldirdi. Shunday qilib, ba’zan birgina qo‘shiq ijodkorning hayotini butunlay o‘zgartirib, ularga tarixda o‘z izini qoldirish imkonini beradi.
