Sevinch Mo‘minova avtohalokatga uchradi, sog‘lig‘i barqaror
Mashhur xonanda Sevinch Mo‘minova yo‘l-transport hodisasiga uchradi. Bu haqda Zamin.uz xabar berdi.
Bu haqda u o‘zining ijtimoiy tarmoqdagi sahifasi orqali xabar berdi. Xonandaning so‘zlariga ko‘ra, avtohalokat natijasida u bosh qismidan jarohat olgan.
Hodisa sodir bo‘lgach, shifokorlar unga zudlik bilan tibbiy yordam ko‘rsatishgan. Bir kun davomida shifoxonada kuzatuv ostida bo‘lgan xonandaga zarur muolajalar o‘tkazilgan.
Keyinchalik uning ahvoli qoniqarli deb topilib, uyiga javob berilgan. Hozirda Sevinch Mo‘minovaning sog‘lig‘i barqaror ekani ma’lum qilindi.
U o‘z muxlislariga ko‘rsatgan e’tibor va qo‘llab-quvvatlashlari uchun minnatdorlik bildirdi. Barchamiz sevimli san’atkorimizga tezroq sog‘ayib, sahnaga qaytishini tilab qolamiz.
